Ghar ka aangan, Maa ke haatho ka khaana,
gali me kanche, chhat par cricket,
khel khel me gande ho ke aana,
sun kar fatkaar, rone lag jaana.
woh bhi koi din the, aur ek yeh din hai
warden se darr darr kar rehna,
dande ki taal par naachna,
Saathi sehpathiyo ke saath khelna kudna
jab din dhale to wohi mess ka ganda khaana
woh bhi koi din the, aur ek yeh din hai
dosto ke saath masti maze karna,
swantantra panchhi ki tarah udna,
jeevan ke safar me, haar jeet ka rona gaana
jab din dhale to, wohi mess ka ganda khaana
woh bhi koi din the, aur ek yeh din hai
anjaan sheher, anjaan gali,
ajnabi log, ajnabi bhasha,
yaha aakar hi hai humne jaana,
purani jindagi hi thi acchi bhali.
